Sistemi i monitorimit dhe rezultatit të zgjedhjeve vendore Qershor 2009
Programe Shqip sh.p.k në bashkëpunim me R & T sh.p.k. e kontraktuar nga Komisioni Qëndror i Zgjedhjeve për implementimin e sistemit të monitorimit për zgjedhjet vendore Qershor 2009, projektoi dhe menaxhoi me sukses këtë sistem i cili konsistonte në monitorimin me kamera lokalisht dhe qëndror të procesit të numërimit të votave dhe sistemin e hedhjes dhe publikimit të rezultatit.
Projekti ishte ndarë në zërat e mëposhtëm:
- Sistemet lokale të regjistrimit dhe monitorimit (66 copë).
- Rrjeti kombëtar i transmetimit të të dhënave dhe videove.
- Sistemi qëndror i monitorimit dhe komandimit.
- Sistemi software i regjistrimit dhe transmetimit të të dhënave.
- Menaxhimi i kontrollit dhe hedhjes së rezultatit.
Programe Shqip sh.p.k. me specialistët e vet projektoi sistemin më të përshtatshëm për këtë qëllim dhe gjithashtu:
Kreu të gjitha konfigurimet e nevojshmë të pajisjeve dhe sistemeve të ndryshme të përdorura për këtë qëllim.
Menaxhoi implementimin e sistemeve në të gjithë vendin dhe atë qëndror.
Kreu testet dhe kolaudimet e nevojshme për të garantuar mirëfunksionimin e plotë të sistemit.
Zhvilloi software-in on line për hedhjen dhe publikimin e rezultateve në kohë reale.
Menaxhoi me operatorët e vet monitorimin 24 orë të sistemit qëndor gjatë gjithë kohës së numërimit.
Menaxhoi me operatorët lokalë monitorimin dhe hedhjen e të dhënave pa ndërprerje gjatë gjithë kohës së nevojshme të numërimit. Rreth 150 operatorë lokalë në të 66 qëndrat e numërimit bënë të mundur sigurimin e funksionimit të sistemit dhe hedhjen e rezultateve të numërimit.
Për këtë qëllim u ndërtua posaçërisht një rrjet i mbyllur kombëtar i transmetimit të të dhënave, i cili lidhte të gjitha qëndrat e numërimit në Shqipëri me sallën qëndrore të monitorimit pranë KQZ.
Përveç transmetimit të imazheve në kohë reale nëpër qëndrat e numërimit, u krye njëkohësisht edhe regjistrimi i tyre në format digital në pajisjet e përcaktuara. Në këtë mënyrë ishte shumë e thjeshtë të kërkohej për sekuenca regjistrimi në një kohë të mëvonshme.
